話說本喵我係一個挑食既貓，由細到大我只係會食KAKATO 既MOUSES 罐，其他既，我心情好時會食啲啲，心情唔好時我眼尾都唔會望一眼。
日子耐左，我咩罐都唔想試，貓如老爹睇到我個肚開始凹(但係體重冇乜輕到)，驚我營養不良，老娘成日掛係咀邊話要我食多啲主食罐，於是老爹就開始四出搜羅不同類型既罐罐。
今次老爹拎隻罐唔知叫咩「黑罐」，日本仔嘢，本喵呢就好崇日既，好多日本產品我都好鐘意，包括玩具啦，零食啦，所以今次拎呢隻罐，都好討好我既。我一見到佢，我就知係好嘢，HIGH HIGH 磨磨，叫我貓奴老爹嗱嗱臨開俾我享用啦，唔好待慢我。
老爹睇到我咁HIGH 既樣，心諗，今次應該掂啦，應該會食，其實我都好期待個罐罐的，於是我就跟住老爹一齊去廚房。老爹都好穏陣，開住啲俾我試下，一開個罐，本喵心諗：「乜X 嘢咁鯹呀，好X臭呀，快啲拎開」
呢隻係吞拿魚加雞肉罐罐，但啲味道重到好仲鯹過去左街市魚檔咁，叫我呢隻怕鯹既喵點食呀，你點做嘢架老爹。今晚瞓覺你就知味道。
如是者，本喵我零晨三點鐘就拍門，拍醒左老娘，還是娘親好，氹我食乾乾，本喵心情好，整碗食晒，可以飽肚一陣。
續……