本喵兩位奴才，阿爹同娘親都係大忙人，星期一至五都早出晚歸，阿爹仲衰，星期六都唔見人，我成日都差遣唔到佢地。不過佢地都幫我做左好多位置俾我休息，俾我玩，俾我睇風景咁，算佢啦。
我好少接觸外面既世界，所以見到唔屬於屋企既嘢我都會好好奇。好似昨晚咁，我見到隻不明飛行物體痴左係大門到，我就一直抬頭監視，後來老爹問我做乜KAI頭望望，先知我監視緊隻蚊，諗住睇多一陣，點知老爹就送左佢去垃圾筒。
我好多時都會望窗，因為有隻飛鳥成日烏烏聲叫，好似黎探我咁，我好想衝出去睇下，不過老爹話衝左出去就會完結貓生，所以我都係諗下就算。
講番今朝，一如以往我四點鐘就醒，瞓醒後我想搵老娘，緊係拍門啦，點知係廳瞓既老爹又鬧我，問我係咪肚餓，其實我都唔知係咪肚餓，咁我都係咁移喵左兩聲應機，於是老爹就開左罐我食，我食左啲先記起，我係要拍門搵老娘，於是我繼續拍門，老爹好忟咁走埋黎，抱起我，講左句問候我既粗口，於是放左我入籠，跟住佢又暈左係梳化。
佢老爹一瞓就瞓到六點九，完全唔記得左困左我係籠，雖然我都冇反抗，都係瞓覺，但本喵就係嬲嬲豬，所以老爹放我出黎後我冇睬佢，走去痴住老娘。
爹娘話我都差唔多要去淨身房淨身，之後我會靜啲WOO，唔知係咪呢。但其實老爹同我傾計講開，佢話可以既話唔係好想帶我去淨身，因為我羅友個噹噹好趣緻WOO.